Corona 1.0-7 ចេញហើយសំរាប់ដោះស្រាយ iBooks 5.0.1 Jailbreak និងរបៀបអាប់ដេត

ថ្មីៗ នេះ មានអ្នកដែលប្រើប្រាស់ iBooks  បាននិយាយ អំពីបញ្ហា របស់គេ ក្រោយពេល បានធ្វើ Jailbreak រួចរាល់។ ដូចនេះ ហើយ ដោយមាន ការសហការគ្នារវាង @planetbeing និង Saurik ពួកគេបាន ចេញ អោយ ប្រើប្រាស់នៅ Corona 1.0-7  អោយរាល់ iDevice ទាំងអស់ ដើម្បី អាប់ដេត រួមមាន iPhone 4 , iPhone4S, iPhone 3GS, iPad2, iPad1 , iPod Touch 3G/4G ។  ហើយបើតាម ការអះអាងរបស់ Saurik គឺ ដាច់ខាត ត្រូវតែធ្វើការអាប់ដេត។ Saurik បានសរសេរនៅក្នុង Tweet របស់គាត់ដូចខាងក្រោម

របៀប អាប់ដេត Corona 1.0-7

1. បើសិនជាអ្នកបាន​ jailbreak A4 Device លោកអ្នក រួមមាន iPhone 4, iPhone 3GS, iPod Touch 3G/4G , iPad1 ជាមួយនឹង redsn0w 0.9.10b5 ដែលទើបនឹងចេញម្សិលមិញនេះ គឺ ពុំចាំបាច់ អាប់ដេត ទេ តែបើលោកអ្នក ដែលបាន jailbreak ជាមួយ ជំនាន់ redsn0w ពីមុនត្រូវអាប់ដេត ។ ចំណែក ឯអ្នក ដែលប្រើប្រាស់ A5 Device iPhone4S, iPad2 ដែលបាន Jailbreak ជាមួយ Absinthe 0.3 ឬក៏Absinthe ជំនាន់មុន ក៏ត្រូវធ្វើការអាប់ដេតដែរ។
2. សូមប្រាកដថា អ៊ីនធើណិត លើ  iDevice របស់លោកអ្នក ដើរបានល្អ និងពុំដាច់ពេលដំឡើង
3. សូមបើកកម្មវិធី Cydia ដែលមានក្នុង iDevice របស់លោកអ្នក
4. ចូលទៅកាន់ Search  ហើយធ្វើការ ស្វែងរក corona 1.0-7 ពេលឃើញ សូម ដំឡើង install 
5. បន្ទាប់ពី ដំឡើង រួចហើយ សូម Reboot iDevice របស់លោកអ្នក ដោយគ្រាន់តែ ចុចប៊ូតុង sleep អោយជាប់ រហូតចេញ “slide to power off” ហើយទាញ slide ជាការស្រេច
6. រួចរាល់