មន្រ្តីជាន់ខ្ពស់រដ្ឋាភិបាលកម្ពុជាបាននិយាយថា ដំណក់ប្រេងដំបូងដែលសង្ឃឹមថានឹងទទួលបាននៅថ្ងៃទី១២ ខែ១២ ឆ្នាំ២០១២ វេលាម៉ោង១២ថ្ងៃត្រង់នោះនឹងមិនអាចទទួលបានទេ នោះក៏ព្រោះតែមានបញ្ហាខាងបច្ចេកទេស។
លោក សុខ អាន រដ្ឋមន្រ្តីទីស្តីការគណៈរដ្ឋមន្រ្តី និងជាប្រធានអាជ្ញាធរប្រេងកាតកម្ពុជាបាននិយាយប្រាប់ប្រតិភូក្រុម ប្រឹក្សាពាណិជ្ជកម្មអាស៊ានអាមេរិកដែលដឹកនាំដោយលោក អាឡិចហ្សង់ ឌើរហ្វេលមែន ក្នុងជំនួបកាលពីថ្ងៃអង្គារថា តំណក់ប្រេងដំបូងដែលរដ្ឋាភិបាលកម្ពុជាសង្ឃឹមថានឹងទទួលបាននៅម៉ោង ១២ថ្ងៃទី១២ខែ១២ឆ្នាំ២០១២នោះត្រូវលើកពេលបន្តទៀត ដោយសារថាមានបញ្ហាបច្ចេកទេសខ្លះនៅក្នុងការបូមយកប្រេង និងឧស្ម័ននៅក្នុងប្លុកអេ ដោយក្រុមហ៊ុនឆេវរ៉ុន (Cheveron) របស់អាមេរិក។
ប៉ុន្តែទោះជាយ៉ាងណាក៏ដោយលោក សុខ អាន បានបញ្ជាក់ថា រដ្ឋាភិបាលកម្ពុជានឹងខិតខំជំរុញឲ្យក្រុមហ៊ុនត្រូវតែផលិតចេញនូវ ដំណក់ប្រេងលើកដំបូង ដើម្បីអាចប្រើប្រាស់នូវធនធានប្រេង និងឧស្ម័នរបស់ខ្លួនដើម្បីយកទៅបម្រើផលប្រយោជន៍ជាតិ និងប្រជាជន៕
ទស្សនាវដ្តីសារព័ត៌មានសេរី
No comments:
Post a Comment